४० वर्षीया सौतेनी आमासँग १७ वर्षका नाबालिगले गरे भागी विवाह

---

चितवन, ६ भदौ । भारतको हरियाणा राज्यको नुह जिल्लामा एक किशोरले आफ्नी ४० वर्षीया सौतेनी आमासँग भागेर विवाह गरेको घटनाले गाउँमा सनसनी फैलाएको छ। युवकका बुबाले प्रहरीमा उजुरी दिँदै छोरा नाबालिग भएको र विवाह अवैध भएको दाबी गरेका छन्।

बुबाले पहिलो श्रीमतीको मृत्युपछि दोस्रो विवाह गरेका थिए र ती श्रीमतीसँग १५ वर्षदेखि बस्दै आएका थिए। केही महिनाअघि पहिलो श्रीमतीबाट जन्मिएको छोरा घर फर्किएको थियो। छोराले सौतेनी आमालाई आमा भनेर व्यवहार गर्थे, तर उनीहरूबीच प्रेम सम्बन्ध रहेको थाहा थिएन।

केही दिनअघि दुवै जना अचानक भागे र अदालतमा विवाह गरिसकेको जानकारी प्राप्त भयो। युवकले आफू वयस्क भएको प्रमाण अदालतमा पेश गरेको प्रहरीले जनाएको छ।

बुबाले श्रीमतीले नगद ३० हजार रुपैयाँसहित सुनचाँदीका गहना लिएर गएको आरोप लगाउँदै कडा कानुनी कारबाहीको माग गरेका छन्। हाल घटनाबारे अनुसन्धान जारी छ।