इच्छाकामनाको मायाटारमा अस्थायी प्रहरी चौकी स्थापना

---

चितवन । चितवनको इच्छाकामना गाउँपालिका–२ मायाटारमा अस्थायी प्रहरी चौकी स्थापना गरिएको छ । प्रहरी चौकी भवनको आज दिउँसो गाउँपालिका अध्यक्ष दानबहादुर गुरुङ र चितवनका प्रहरी प्रमुख, प्रहरी उपरीक्षक गोविन्द पुरीले संयुक्तरूपमा उद्घाटन गर्नुभयो ।

प्रहरी चौकी उद्घाटनका क्रममा स्थानीय जनप्रतिनिधि, समाजसेवी, टोल सुधार समिति, आमा समूह र सञ्चारकर्मीहरूको उपस्थिति थियो । स्थानीयवासीको माग अनुसार स्थापना गरिएको चौकीले शान्ति सुरक्षामा टेवा पुर्‍याउने प्रहरी उपरीक्षक पुरीले अपेक्षा गर्नुभयो ।

लामो समयदेखि प्रहरी चौकीको माग गर्दै आएका नागरिकहरूका लागि यो ऐतिहासिक दिनले सुरक्षा, व्यापार र पर्यटन प्रवद्र्धनमा नयाँ आयाम थप्ने प्रहरी प्रमुख पुरीको भनाइ छ । प्रहरी चौकी स्थापनासँगै यहाँ प्रहरी सहायक निरीक्षकको नेतृत्वमा पाँच जना प्रहरी खटाइएको पुरीले बताउनुभयो ।