चितवन । चितवनका लागि रोयल इन्फिल्ड मोटरसाइकलको आधिकारिक बिक्रेता सन अटो मोबाइल्सले स्क्र्याम ४४० को लन्च गरेको छ ।
भरतपुरमा रहेको शोरुममा आइतबार दिउँसो स्क्र्याम ४४० को दुई वटा भेरियन्टको लन्च गरिएको हो । सन अटो मोबाइल्सका सञ्चालक गोविन्दमान श्रेष्ठकाअनुसार आइतबार लन्च गरिएको स्क्र्याम ४४० को ट्रायल भेरियन्टको मूल्य ६ लाख ८९ हजार नौ सय रुपैयाँ तथा फोर्स भेरियन्टको मूल्य ६ लाख ९९ हजार नौ सय रुपैयाँ तोकिएको छ । दुवै भेरियन्टको गरी विभिन्न पाँच वटा कलरमा मोटरसाइकल बिक्रीका लागि राखिएको उहाँले बताउनुभयो ।
४४० सिसीको दुवै भेरियन्टमा ६ वटा गियर, इलेक्ट्रिक स्टार्टिङ सिस्टम तथा दुई सय मिलिमिटर ग्राउण्ड क्लियरेन्स रहेको श्रेष्ठले बताउनुभयो । उहाँकाअनुसार १९६ किलोमिटर तौलको उक्त मोटरसाइकलमा १५ लिटरको पेट्रोल ट्याङ्क, डबल च्यानल एबीएस सिस्टम रहेको श्रेष्ठले बताउनुभयो । अफरोड ड्राइभका लागि रोयल इन्फिल्डको मोटरसाइकल उपयुक्त भएको उल्लेख गर्दै श्रेष्ठले यस स्क्र्याम ४४० को भेरियन्ट सबै ठाउँमा उपयुक्त भएको बताउनुभयो ।
मोटरसाइकल लन्च कार्यक्रममा चितवन अटो मोबाइल्सका पूर्वअध्यक्ष अमृत जोशीले रोयल इन्फिल्ड मोटरसाइकलको युवाहरुमाझ बढ्दो क्रेज रहेको बताउनुभयो । रोयल इन्फिल्ड कम्पनीले प्रविधिमा सुधार गर्दै नयाँ नयाँ भेरियन्टको मोटरसाइकल निकाल्ने गरेकोमा यो नयाँ पनि युवामाझ लोकप्रिय बन्नेमा उहाँले विश्वास गर्नुभयो ।
रोयल इन्फिल्डका मोटरसाइकलको खरिद गर्न ४० प्रतिशत डाउन पेमेन्ट तथा एक्सचेन्ज सुविधासमेत उपलब्ध भएको सञ्चालक गोविन्द श्रेष्ठले बताउनुभयो । जुनसुकै ब्राण्डको मोटरसाइकलसँग पनि एक्सचेन्ज सुविधा रहेको श्रेष्ठको भनाइ छ ।
बाइक लन्च कार्यक्रममा चितवन अटो मोबाइल्सकासचिव मोहन केसीले यस भेरियन्टको बाइक युवाहरुमाझ लोकप्रिय रहेको बताउनुभयो ।
सम्वन्धित समाचारहरु
प्रतिकृया दिनुहोस्