३ पुष २०८२, बिहीबार २२:४६
चितवन । नेकपा एमालेको ११औँ महाधिवेशनमा चितवनबाट उपाध्यक्षसहित नौ जना केन्द्रीय सदस्य निर्वाचित भएका छन् । नेकपा एमाले चितवनका सचिव प्रकाश ढुङ्गानाका अनुसार चितवनलाई भूगोल बनाएर राजनीति गरिरहेका नौ जना पदाधिकारी तथा केन्द्रीय सदस्यमा विजयी भएका हुन् ।
उपाध्यक्षमा रामबहादुर थापा बादल, केन्द्रीय कृष्णभक्त पोखरेल, सदस्यमा देवी ज्ञवाली, जेएन थपलिया, पार्वती रावल, प्रभा बराल, यम बहादुर परियार, बालिका गिरी र निशा अधिकारी निर्वाचित भएका हुन् । यस्तै अनुशासन आयोग सदस्यमा कृष्णप्रसाद सिलवाल र कृष्ण भुर्तेल विजयी भएका छन् । निर्वाचित हुने सबै ओली प्यानलमा रहेका थिए । केन्द्रीय सदस्यमा कृष्णभक्त पोखरेलको प्राप्त गरेको मत सर्वाधिक लोकप्रियतर्फ चौथो स्थानमा छ ।
पोखरेल प्यानलबाट निर्वाचन लडेका महासचिव सुरेन्द्र पाण्डे पराजित भए । उनी पनि चितवनलाई केन्द्र बनाएर राजनीति गरिरहेका छन् । यस्तै ओली प्यानलमा नपरेपछि स्वतन्त्र उम्मेदवारी दिएका रामप्रसाद न्यौपाने पराजित भएका छन् । उनलाई पोखरेल टिमले आफ्नो प्यानलमा राखेको थियो ।
प्रतिकृया दिनुहोस्