गैँडाकोटमा जारी फुटबलमा दोस्रो चरणका खेलाहरु सुरु

---

नवलपुर । नवलपुरको गैँडाकोटमा जारी अन्तर वडा महिला तथा पुरुष फुटबल प्रतियोगितामा दोस्रो चरणका खेलहरु सुरु भएका छन् ।

आज शुक्रबार वडा नम्बर ८ र १४ बीच भएको दोस्रो चरणको पहिलो खेलमा वडा नम्बर १४ विजयी भएको प्रतियोगिताका खेल संयोजक प्रशान्त रेग्मीले जानकारी दिए । उनकाअनुसार वडा नम्बर १४ ले वडा नम्बर ८ लाई २–० गोल अन्तरले पारजित गर्दै सेमीफाइनलको यात्रा तयार गरेको छ । प्रतियोगिताको २६औँ मिनेटमा वडा नम्बर १४ को तर्फबाट जर्सी नम्बर ६ का खेलाडी चन्द्रकुमारले गोल गर्दै टिमलाई सुरुआती अग्रता दिलाएका थिए ।

त्यस्तै खेलको ५२ औँ मिनेटमा वडा नम्बर १४ का लागि जर्सी नम्बर १० का खेलाडी यम बहादुर थापाले अर्को गोल थप्दै टोलीलाई सेमीफाइनलको यात्रा सुरक्षित बनाए । यस खेलको म्यान अफ दी म्याच गैँडाकोट १४ का जर्सी नम्बर १० का खेलाडी यमबहादुर थापा भएका रेग्मीले जानकारी दिए ।

त्यस्तै, आजै भएको दोस्रो खेलमा वडा नम्बर ३ सेमीफाइनल प्रवेश गरेको छ । वडा नम्बर ३ ले वडा नम्बर ११ लाई पेनाल्टी सुटआउटमा पछाडि पार्दै सेमीफाइनल यात्र तयार गरेको हो । प्रतियोगिताको निर्धारित समयमा दुवै टोली गोलरहित बराबरीमा खेलेपछि पेनाल्टी सुटआउटबाट वडा नम्बर ३ सेमीफाइनल प्रवेश गरेको खेल संयोजक रेग्मीले जानकारी दिए ।

पेनाल्टी सुटआउटमा वडा नम्बर ३ ले ३ गोल गर्दा वडा नम्बर ११ ले दुई गोलमात्र गर्दा वडा नम्बर ३ सेमीफाइनल प्रवेश गरेको रेग्मीको भनाइ छ । प्रतियोगिताको म्यान अफ दी म्याच वडा नम्बर ३ का गोलरक्षक विकास सारु घोषित भएका उनले बताए ।

त्यस्तै, शुक्रबारको तेस्रो खेलमा वडा नम्बर ४ विजयी हुँदै सेमीफाइनलमा पुगेको छ । वडा नम्बर ४ ले वडा नम्बर १० लाई पेनाल्टी सुटआउटमा पराजित गर्दै सेमीफाइनल यात्रा तयार गरेको खेल संयोजक रेग्मीले जानकारी दिए । खेलको आठौँ मिनेटमा वडा नम्बर ४ का तर्फबाट जर्सी नम्बर १० का खेलाडी शैलेश कँडेलले गोल गर्दै टिमलाई दिलाएको अग्रता धेरै बेर टिकेट ।

प्रतियोगिताको २१औँ मिनेटमा वडा नम्बर ४ का खेलाडी सुदन पराजुलीले गोल गर्दै खेललाई बराबरीमा पु¥याएका थिए । प्रतियोगितामा दोस्रो गोल भएको ६ मिनेटमै वडा नम्बर १० का जर्सी नम्बर ११ का खेलाडीले देवेन्द्र गुरुङले गोल गर्दै टिमलाई २–१ को अग्रता दिलाएका थिए । वडा नम्बरको १० को खुशीलाई टुक्राउँदै वडा नम्बर ४ का जर्सी नम्बर ९ का खेलाडी अविनाश गुरुङले खेलको ३५ औं मिनेटमा गोल गर्दै प्रतियोगिता २–२ को बराबरीमा पु¥याए ।

निर्धारित समयमा २–२ को बराबरीमा खेल पुगेपछि पेनाल्टी सुटआउटबाट वडा नम्बर ४ सेमीफाइनल प्रवेश गरेको खेल संयोजक रेग्मीले बताए । रेग्मीका अनुसार पेनल्टी सुटआउटमा ३–१ गोल अन्तरले वडा नम्बर ४ सेमीफाइनल पुगेको हो । प्रतियोगितामा वडा नम्बर १० का खेलाडी देवेन्द्र गुरुङ, दीपेस विके र वडा नम्बर ४ का खेलाडी टार्जन गुरुङले पहेँलो कार्ड पाउँदा वडा नम्बर १० का प्रशिक्षक सुरेश श्रेष्ठलाई रेफ्रीले रातो कार्ड देखाउँदै मैदानबाट बाहिर हटाएका थिए । प्रतियोगितामा वडा नम्बर ४ का गोल रक्षक सागर थापा खेलको म्यान अफ द म्याच घोषित भएका रेग्मीले बताए ।

यसैबीच, आजै भएको महिलातर्फको पहिलो चरणको अन्तिम खेलमा वडा नम्बर ६ विजयी भएको छ । गैँडाकोट–१० र गैँडाकोट ६ बीच भएको खेलमा गैँडाकोट १० का खेलाडीले आत्मघाती गोल गर्दा गैँडाकोट ६ विजयी हुँदै सेमीफाइनलको यात्रा तयार गरेको खेल संयोजक रेग्मीले जानकारी दिए । महिलातर्फको खेलमा उत्कृष्ट खेल कौशल प्रदर्शन गरेकी वडा नम्बर १० की जर्सी नम्बर ७ की खेलाडी अप्सरा भुजेल म्यान अफ द म्याच घोषित भएकी रेग्मीले बताए ।

आज सेमीफाइलनमा पुग्ने सबै टोलीले माघ ४ गते सेमीफाइलनमा प्रतिस्पर्धा गर्ने रेग्मीको भनाइ छ । गैँडाकोट–९ स्थित नवजागरण खेलकुद मैदानमा जारी प्रतियोगिता गैँडाकोट फुटबल क्लबको आयोजनामा भइरहेको छ । प्रतियोगिताको फाइनल खेल माघ ५ गते हुने जनाइएको छ ।