पश्चिम नवलपरासी–१ मा रास्वपाका खनाल निर्वाचित

---

नवलपुर । नवलपरासी (बर्दघाट–सुस्तापश्चिम) क्षेत्र नं १ बाट राष्ट्रिय स्वतन्त्र पार्टी (रास्वपा)का विक्रम खनाल प्रतिनिधिसभा सदस्य पदमा निर्वाचित हुनुभएको छ ।

केहीबेर अगाडि सम्पन्न मतगणनाअनुसार रास्वपाका खनाल ४५ हजार २४१ मत प्राप्त गर्दै निर्वाचित हुनुभएको हो । उहाँले नेपाली कांगे्रसका उम्मेदवार उद्योगपति विनोद कुमार चौधरीलाई ३५ हजार ७३९ मतान्तरले पराजित गर्नुभएको हो ।

यस क्षेत्रमा नेपाली कांगे्रसका विनोद कुमार चौधरीले नौ हजार ५०२ मत प्राप्त गर्नुभयो । नेकपा (एमाले)का उम्मेदवार रामप्रसाद पाण्डेयले सात हजार ९५६ तथा जनता समाजवादी पार्टी नेपालका हृदयेश त्रिपाठीले सात हजार ८३२ मत प्राप्त गर्नुभयो ।