सांसद प्रभा ढकाल भन्छिन्ः गुणस्तरीय र बिरामीमैत्री सेवा देऊ

---

चितवन । चितवनकी संघीय सांसद् प्रभा ढकालले चितवनको भरतपुरमा रहेको वीपी कोइराला क्यान्सर अस्पतालको बेथिति अन्त्य गर्दै गुणस्तरीय र बिरामीमैत्री सेवा दिनुपर्ने माग गरेकी छिन् ।

बुधबार बसेको प्रतिनिधिसभा बैठकको शुन्य समयमा आफ्ना भनाइ राख्दै ढकालले क्यान्सर अस्पतालमा बेथिति व्यप्त भएको उल्लेख गरिन् । उनले उपचार नपाएर गरिब र असहाय बिरामीहरुले अकालमै ज्यान गुमाउनुपर्ने अवस्था रहेको बताइन् । त्यो घटना दुखद भएको भन्दै उनले अस्पतालको सेवा सुधार गर्दै गुणस्तरीय बिरामीमैत्री सेवा दिनुपर्नेमा सरकारको ध्यानाकर्षण गराइन् ।