१८ भाद्र २०८२, बुधबार ०७:३४
नवलपुर । नवलपरासी (बर्दघाट–सुस्तापूर्व)को देवचुलीमा गयराति कन्टेनर र ट्रक एकआपसमा ठोक्किदा एक जनाको मृत्यु भएको छ । दुर्घटनामा परी थप दुई जना घाइते भएका प्रहरीले जनाएको छ ।
जिल्ला प्रहरी कार्यालय नवलपुरका सूचना अधिकारी प्रहरी नायब उपरीक्षक मधु नेपालकाअनुसार बुटवलतर्फ जाँदै गरेको ना२क ११९ नम्बरको कन्टेनर र नारायणघाटतर्फ जाँदै गरेको प्र २ ०३००१ ख ४०५६ नम्बरको ट्रक पूर्वपश्चिम राजमार्गको देवचुली–१५ लोकाहामा एकआपसमा ठक्कर खाएका थिए । दुर्घटनामा परी गम्भीर घाइते कन्टेनर चालक पश्चिम नवलपरासीको सुस्ता गाउँपालिका–१ का ३५ वर्षीय माधव पङ्गेनीको उपचारका क्रममा चितवनको भरतपुरस्थित कलेज अफ मेडिकल साइन्सेस शिक्षण अस्पतालमा आज बिहान १ बजे मृत्यु भएको नेपालले बताउनुभयो ।
उक्त दुर्घटानामा परी कन्टेनरका सह चालक चितवनको राप्ती नगरपालिका–७ का ३६ वर्षीय रामबहादुर सार्की र ट्रक चालक महोत्तरीको बर्दिबास नगरपालिका–११ का ३० वर्षीय बिचबहादुर थिङ गम्भीर घाइते भएका नेपालले जानकारी दिनुभयो । दुवै घाइतेको चितवनको भरतपुरस्थित एलाइभ हस्पिटल एण्ड ट्रमा सेन्टरमा उपचार भइरहेको भन्दै नेपालले दुर्घटनामा परेका दुवै सवारीसाधन प्रहरीको नियन्त्रणमा रहेको बताउनुभयो ।
प्रतिकृया दिनुहोस्