१३ कार्तिक २०८२, बिहीबार ०८:१९
नवलपुर । पूर्वपश्चिम राजमार्ग अन्तर्गत नारायणघाट–बुटवल सडकको दाउन्ने खण्डमा सडक अवरुद्ध भएको छ । सडक मर्मतका लागि एकतर्फी बनाइएको यो सडकमा आज बिहानबाट परेको पानीका कारण सडक अवरुद्ध भएको प्रहरीले जनाएको छ ।
जिल्ला प्रहरी कार्यालय नवलपुरका सूचना अधिकारी प्रहरी नायब उपरीक्षक मधु नेपालले दाउन्ने खण्डको विनयी त्रिवेणी गाउँपालिका–२ स्थित विश्वकर्मा मन्दिर र घ्युखोलामा सडक अवरुद्ध भएको हो । “विश्वकर्मा मन्दिर र घ्युखोलामा सडक मर्मतका लागि एकतर्फी भइरहेको थियो, आज बिहान पानी परेपछि सडक सञ्चालनमा समस्या परेको छ” उहाँले भन्नुभयो, “बिहानैदेखि परेको पानीका कारण बाटो हिलो र चिप्लो हुँदा सवारीसाधन पश्चिमतर्फ जान सकेका छैनन् ।”
दाउन्ने खण्डमा मालवाहक सवारीसाधनहरु उकालो चढ्न नसकेपछि यस खण्डमा हुने जामलाई व्यवस्थापन गर्न प्रहरी खटिएको उहाँले बताउनुभयो ।
प्रतिकृया दिनुहोस्