भरतपुरमा डोङफेङ गाडीको शोरुम सञ्चालनमा

---

चितवन । डोङफेङ अटोमोबाइल्स कम्पनी (डिएफएसी) को नेपालका लागि आधिकारिक बिक्रेता त्रिवेणी मोटरकर्प अन्तर्गत चितवन तथा नवलपुरको एकमात्र आधिकारिक बिक्रेता ब्रान्डेड अटो मोबाइल्स प्रालिको भरतपुर ९ आस्थाचोकमा नयाँ शोरुम सञ्चालनमा आएको छ ।

कार्यक्रमका प्रमुख अतिथि चितवन उद्योग वाणिज्य संघका अध्यक्ष चिरन्जीवी सुवेदी, उवासंघका पदाधिकारी तथा त्रिवेणी मोटोकर्प प्रालिका विजनेस हेड सुरज भट्टराईलगायतले शोरुमको उद्घाटन गरे । कार्यक्रममा संघका अध्यक्ष सुवेदीले चितवनको बजारमा इभी गाडीको आकर्षण बढ्दै गएको बताए । डोङफेङ गाडी चिनीया बजारमा लोकप्रिय गाडी रहेको र नेपालमा पनि यो गाडी अत्यधिक रुचाइने उनले विश्वास व्यक्त गरे ।

कार्यक्रममा त्रिवेणी मोटोकर्पका विजनेस हेड सुरज भट्टराईले यो कम्पनीको गाडी अन्य कम्पनीको गाडी भन्दा फरक र गुणस्तरीय रहेको बताए । उनले शोरुमको उद्घाटनलाई गाडीको व्यावसायिक विस्तार, गुणस्तर, विश्वास र उत्कृष्ट सेवाप्रतिको नयाँ प्रतिबद्धताको सुरुआतका रूपमा लिएको उल्लेख गरे । उनले व्रान्डेड अटो मोबाइल्स प्रालि चितवन तथा नवलपुरको एकमात्र आधिकारिक डिलर्स नियुक्ति भएकोले आधिकारिक स्थानबाट मात्रै कारोबार गर्दा बिक्रीपछिको सेवा तथा वारेन्टीको लागि सुनिश्चिता हुने जानकारी गराए ।

ब्राण्डेड अटोमोबाइल्स प्रालिले विगत १५ वर्षदेखि विभिन्न ब्रान्डका चारपाङ्ग्रे सवारीसाधनको बिक्री तथा सेवासुविधा प्रदान गर्दै आएको उनको भनाइ छ । उनले कम्पनीले हाल ११ सिटे, १४ सिटे र १६ सिटे गाडीको बिक्री शुरु गरेको र अन्य उत्पादनहरु पनि ल्याइने जानकारी दिए ।

कम्पनीले ग्राहकको चाहना, सुरक्षा र सन्तुष्टिलाई प्राथमिकतामा राख्दै आधुनिक प्रविधियुक्त, भरपर्दा तथा उच्च गुणस्तरका सवारी साधन उपलब्ध गराउँदै आएको बताइएको छ । साथै, उत्कृष्ट बिक्री सेवा, बिक्रीपछिको सेवा तथा ग्राहकमैत्री वातावरण प्रदान गर्न कम्पनी सदैव प्रतिबद्ध रहने पनि जनाएको छ ।

ब्रान्डेड अटो मोबाइल्स प्रालिका अध्यक्ष इन्द्र रेग्मीले यो क्षेत्रमा आफ्नो डेढदशक अनुभवसंँगै डोङफेङका गाडीहरु बिक्री शुरु गरिएको बताए । कार्यक्रममा चितवन उवासंघका वरिष्ठ उपाध्यक्ष राजेन्द्र ओलीलगायतले शुभकामना मन्तव्य व्यक्त गरेका थिए । कम्पनीका वित्त निर्देशक सुनीता रेग्मीले स्वागत मन्तव्य गरेको कार्यक्रमको सञ्चालन हिमालय प्रसाद दवाडीले गरेका थिए ।