माघ २२ गते गण्डकी प्रदेश स्थापना दिवसमा सार्वजनिक बिदा

---

नवलपुर । गण्डकी प्रदेश सरकारले प्रदेश स्थापना दिवसको अवसरमा माघ २२ गते बिहीबार गण्डकी प्रदेशभर सार्वजनिक बिदा दिने निर्णय गरेको छ ।

प्रदेश सरकारको निर्णयअनुसार उक्त दिन प्रदेशभरका सबै सरकारी कार्यालय, शैक्षिक संस्था तथा सार्वजनिक निकायहरू बन्द रहनेछन् । प्रदेश स्थापनाको ऐतिहासिक महत्वलाई स्मरण गर्दै स्थापना दिवसलाई भव्य रूपमा मनाउन विभिन्न कार्यक्रम आयोजना गरिने जनाइएको छ । प्रदेश सरकारले नागरिकहरूलाई स्थापना दिवसका कार्यक्रमहरूमा सहभागिता जनाउन आग्रहसमेत गरेको छ ।

नेपालको संविधान २०७२ अनुसार संघीय संरचनाअन्तर्गत स्थापना भएको गण्डकी प्रदेशको पहिचान, उपलब्धि र भावी योजनाबारे जनचेतना फैलाउने उद्देश्यले प्रत्येक वर्ष स्थापना दिवस मनाइँदै आएको छ।