दाउन्नेमा बस पल्टिँदा च्यापिएर ६ जनाको मृत्यु

---

नवलपुर । पूर्वपश्चिम राजमार्गअन्तर्गत नवलपरासी (बर्दघाट–सुस्तापूर्व) दाउन्नेमा भएको दुर्घटनामा ६ जनाको मृत्यु भएको छ । नेपालगञ्जबाट काठमाडौँतर्फ जाँदै गरेको प्रदेश–३–०१–००६ ख १५५३ नम्बरको यात्रुवाहक बस विनयी त्रिवेणी गाउँपालिका–२ दाउन्नेस्थित एसमोडमा पल्टिँदा ६ जनाको मृत्यु तथा १० जना घाइते भएका प्रहरीले जनाएको छ ।

जिल्ला प्रहरी कार्यालय नवलपरासी (बर्दघाट–सुस्तापूर्व)का सूचना अधिकारी प्रहरी नायब उपरीक्षक अनिल पण्डितकाअनुसार अनियन्त्रित भई पल्टिएको बसमा च्यापिएका ६ जनाको मृत्यु भएको हो । दुर्घटनामा परी घाइते भएका १० जना यात्रुलाई उपचारका लागि मध्यविन्दु प्रादेशिक अस्पताल डण्डा पठाइएको पण्डितले बताउनुभयो ।